عمر عفيفي للسيسي: "مرسي ماسك عليك ايه؟"

وجه العقيد عمر عفيفي - اللاجئ بالولايات المتحدة - عدة اسئلة للفريق عبد الفتاح السيسي وزير الدفاع . وقال عفيفي في تدوينة طويلة : بالعقل - اسئلة مشروعة اتمني ان يسألها مؤيدي السيسي للفريق السيسي ولا يعطلوا عقولهم ويفضلو زي الأطرش في الزفة. وأضاف : س- طلبت تفويض من الشعب وفوضناك لمحاربة الارهاب - لكن مين همه الارهابيين اللي انت بتحاربهم بالضبط يا سيادة الفريق ؟؟؟ س - هل كنت تقصد بالإرهابيين جماعة الاخوان ؟؟ طيب ليه لحد دلوقتي لم تعلن انهم جماعة ارهابية رسمي ؟؟ ومستني ايه ؟؟؟ س - ايه نتيجة محاربة الارهاب في سيناء يا سيادة الفريق بعد 4 شهور كاملين من التفويض وعزل مرسي ؟؟ هل أصبحت أمنه ولا لسه ؟؟؟ س - يا تري امتي حتقضي ع الارهاب يا سيادة الفريق السيسي ؟؟؟ ولا عاوز التفويض يفضل ممتد مدي الحياة لمحاربة الارهابيين ؟؟؟ س - صارحنا يا سيادة الفريق انت عاوز تبقي ريس ولا عاوز تفضل وزير دفاع مدي الحياة ؟؟؟ عشان نساعدك س- سيادتك صديق مخلص لامريكا ولا عدو لامريكا ؟؟ طيب لو صديق ليه مسلط إعلامك عليهم ؟؟؟ ولو عدو لامريكا بتتصل بوزير دفاعهم ليه يوميا بالساعات ؟؟؟ س - ليه منعت بث محاكمة قتال القتلة مرسي المعزول وخايف من البث علي الهواء ليه ؟؟؟ ياتري مرسي ماسك عليك حاجه خايف الناس تعرفها ؟؟؟هوه مش من حقنا نعرف انه قتال قتلة وخائن ؟؟؟ وأردف : يا مؤيدي السيسي اسالو السيسي عشان متفضلوش زي الأطرش في الزفة وعمال يبتزكم بالاخوان ليل نهار وعملكوا هسهس في دماغكوا وهوه عاوز الاخوان يفضلو فزاعة علي طول  .. بس ياريت يصارحكم ويرد عليكم او يعبركم  .. وبدل تخوين عمر عفيفي حاولوا تكونوا اصحاب البلد ومحدش يستغفلكوا ويديكم علي قفاكم بدعوي محاربة الارهاب

Tweet